Hvað er betra en að enda jólin í Básum á Goðalandi og fagna með því nýbyrjuðu ferðaári?
Þórarinn Eyfjörð er fararstjóri í þessari skemmtilegu ferð og eitt er víst að gítarinn verður með í för (a.m.k. tveir). Brenna, flugeldar, áramótasöngvar og kvöldvaka.

Farastjóri: Þórarinn Eyfjörð

Ekið inn á Fjallabaksleið hjá Gunnarsholti, komið við í Hungurfitjum ef aðstæður eru góðar, þaðan farið í Dalakofann þar sem gist verður um nóttina. Á sunnudeginum verður farin hin stórskemmtilega leið inn í Álftavatn, Hvanngil, inn á Emstruleið og niður í Fljótshlíð.

Farastjóri: Sveinn Sigurður Kjartansson

Farið upp á Eyjafjallajökul og Topgígurinn skoðaður sem og útsýni yfir Þórsmörk og gist í skála Útivistar á Fimmvörðuhálsi þar sem verður grill og gaman. Á sunnudeginum verður farið yfir á Mýrdalsjökul og hann þveraður yfir á Mýrdalssand þaðan sem ekið verður til byggða niður í Fljótshlíð.

Farastjóri: Þorsteinn Pálsson

Vatnajökull heillar alltaf og ef vorið verður kalt og hagstætt þá er um að gera að nota tækifærið. Ekið frá Hrauneyjum í mildri vorbirtunni sem leið liggur í hinn frábæra skála Jöklarannsóknarfélagsins í Jökulheimum. Snemma á laugardagsmorgun tökum við glímuna við jökulinn og stímum að Grímsfjalli með viðkomu á Pálsfjalli. Gufubaðið og grillið tekið af fullri alvöru. Eftir indælan nætursvefn í einum mest sjarmerandi skála á Íslandi, verður lagt af stað í morgunroðanum áleiðis heim. Hamarinn og fleiri áhugaverðir staðir teknir á leiðinni, allt eftir því hvað veður leyfir.

Farastjóri: Gylfi Jónu Arnbjarnarson

ATH!. Þessi ferð gistir í Snæfelli, Sigurðarskála og Jökulheimum. 

Boðið verður upp á tvo hópa, annar sem fer austurleiðina um Skálafellsjökul, Snæfell í Sigurðarskála og hinn sem fer í Jökulheima í Sigurðarskála, þar sem hóparnir gista saman og halda grillveislu að hætti Útivistar á föstudagskvöldið. Fyrri hópurinn fer síðan í Jökulheima og seinni hópurinn í Snæfell og niður Skálafellsjökul.

Hin stórskemmtilega árlega vorferð um Vatnajökul er ein vinsælasta ferð jeppadeildarinnar. Ferðinni er nú heitið á austurjökulinn.

Fyrri hópurinn leggur af stað að morgni fimmtudags frá Smyrlabjörgum en gisting nóttina áður er á ábyrgð hvers og eins. Ekið verður á Goðabungu og í Snæfellsskála, þar sem verður gist. Á föstudeginum verður dagurinn tekin snemma og ekið í Kverkfjöll þar sem farið verður í bað í Hveragili og Sigurðarskála þar sem hópurinn sameinast hinum hópnum.

Seinni hópurinn leggur af stað frá Olís við Rauðavatn á fimmtudagsmorgni og verður ekið inn í Jökulheima þar sem gist verður. Stoppað verður við Hamarinn til að njóta útsýnisins. Á föstudeginum verður farið yfir Vatnajökul og stefnan tekinn á Sigurðarskála í Kverkfjöllum, þar sem hóparnir sameinast.

 Á laugardeginum verður svo ferð fyrri hópsins  haldið áfram á Jökulheima og freistað þess að fara í gufubað., en seinni hópurinn fer sem leið liggur í Hveragil í bað og síðan yfir Brúarárjökul í Snæfellsskála. Sunnudagurinn verður notaður til heimferðar frá Jökulheimum í Hrauneyjar  og frá Snæfellsskála niður Skálafellsjökul þar sem ferðinni lýkur.

Farastjórar: Þórarinn Eyfjörð og Sveinn Sigurður Kjartansson.

ATH! Þessi hópur gistir í Jökulheimum, Sigurðarskála og Snæfelli.

Boðið verður upp á tvo hópa, annar sem fer austurleiðina um Skálafellsjökul, Snæfell í Sigurðarskála og hinn sem fer í Jökulheima/Grímsfjall í Sigurðarskála, þar sem hóparnir gista saman og halda grillveislu að hætti Útivistar á föstudagskvöldið. Fyrri hópurinn fer síðan í Jökulheima/Grímsfjall og seinni hópurinn í Snæfell og niður Skálafellsjökul.

Hin stórskemmtilega árlega vorferð um Vatnajökul er ein vinsælasta ferð jeppadeildarinnar. Ferðinni er nú heitið á austurjökulinn.

Fyrri hópurinn leggur af stað að morgni fimmtudags frá Smyrlabjörgum en gisting nóttina áður er á ábyrgð hvers og eins. Ekið verður á Goðabungu og í Snæfellsskála, þar sem verður gist. Á föstudeginum verður dagurinn tekin snemma og ekið í Kverkfjöll þar sem farið verður í bað í Hveragili og Sigurðarskála þar sem hópurinn sameinast hinum hópnum.

Seinni hópurinn leggur af stað frá Olís við Rauðavatn á fimmtudagsmorgni og verður ekið inn í Jökulheima/Grimsfjall þar sem gist verður. Stoppað verður við Hamarinn til að njóta útsýnisins. Á föstudeginum verður farið yfir Vatnajökul og stefnan tekinn á Sigurðarskála í Kverkfjöllum, þar sem hóparnir sameinast.

 Á laugardeginum verður svo ferð fyrri hópsins  haldið áfram á Grímsfjall/Jökulheima og freistað þess að fara í gufubað., en seinni hópurinn fer sem leið liggur í Hveragil í bað og síðan yfir Brúarárjökul í Snæfellsskála. Sunnudagurinn verður notaður til heimferðar frá Grímsfjalli/Jökulheimum í Hrauneyjar  og frá Snæfellsskála niður Skálafellsjökul þar sem ferðinni lýkur.

Farastjórar: Þórarinn Eyfjörð og Sveinn Sigurður Kjartansson.

Þriggja daga jeppaferð um slóðir norðan Vatnajökuls. Ferðin hefst í Hálendismiðstöðinni Hrauneyjum og er ekið þaðan norður um Kvíslarveituveg með viðkomu við Hallgrímsvörðu, en hana hlóðu Útivistarfélagar til heiðurs Hallgrími Jónassyni sem var mikilsvirkur í starfi félagsins á sínum tíma og skrifaði meðal annars margar greinar í ársrit Útivistar. Einnig verður höfð viðkoma við forna vörðuþyrpingu þá sem kölluð er “Beinakerling og sjö dætur” og velt vöngum um tilkomu þeirra. Náttstaður fyrstu nóttina verður í Laugafelli þar sem færi gefst á að skola af sér ferðarykið í náttúrulaug. 

Úr Laugafelli liggur leiðin niður í Eyjafjörð og ef aðstæður leyfa verður farið um fáfarna slóð út Hólafjall. Þá tekur við nokkur malbiksakstur á Mývatn þar sem upplagt er að fylla eldsneytisgeyma áður en ekið er að Heilagsdal þar sem gist er næstu nótt. Þaðan liggur leiðin um Krákárbotna í Dyngjufjalladal, en dagurinn endar í Herðubreiðarlindum. Lok formlegrar ferðar eru í Herðubreiðarlindum en þaðan er hægt að halda þægilega leið til byggða eða halda áfram að njóta einstakrar náttúru á hálendinu norðan Vatnajökuls.

Ferðin er skipulögð sem tjaldferð en jafnan er gist í nágrenni við fjallaskála og geta þeir sem það kjósa frekar pantað sér gistingu í skálunum.

Fararstjórar: Skúli Skúlason og Egill Rúnar Hjartarsson

Þessi ferð er fyrir óbreytta eða lítið breytta jeppa, þar sem farið er inn á Fjallabak um Keldur og inn fyrir Hafrafell meðfram Eystri Rangá upp í Hungurfit þar sem gist verður. Á laugardeginum er ferðinni heitið um Syðra Fjallabak, eftir stutt stopp við nafnlausa fossinn í Markárfljótinu. Komið verður við í Álftavatni og Hvanngili og kíkt á gljúfrin þar sem Kaldsklofskvísl fellur í Markárfljótið á leið okkar í Strút, þar sem gist verður í skála Útivistar á laugardagskvöldið. Á sunnudeginum verður ekið austur fyrir Mælifellshnjúk og farið yfir Brennivínskvísl og yfir Hólmsá og gengið að Rauðabotn áður en haldið er til byggða.

Fararstjóri: Skúli Skúlason

Hin forna leið frá Svarthöfða í suðurenda Vonarskarðs að Jökulheimum er einhver skemmtilegasta jeppaleið sem til er. Glíman við brattar brekkur og straumharðar ár gleymist fljótt þegar hið stórkostlega útsýni af hæstu hæðum leiðarinnar blasir við. Farið að morgni laugardags í Hrauneyjar þar sem fyllt er á tanka. Þaðan verður haldið norður Sprengisandsleið og að Svarthöfða við norðurenda Hágöngulóns. Gist verður í skála Jöklarannsóknafélagsins í Jökulheimum. Möguleiki á að aka um Breiðbak á heimleið.

Farastjóri: Sveinn Sigurður Kjartansson

Ferðin hefst í Hálendismiðstöðinni Hrauneyjum, farið inn í Landmannalaugar, þaðan um Fjallabaksleið nyrðri, inn á Mælifellssandi og í Strútsskála. Tekið tékk á Strútslaug og umhverfi, og tánum stungið í bað ef aðstæður eru hagstæðar.  Á sunnudeginum verður farið vestur Mælifellsand og niður í Fljótshlið eða um Mýrdalsjökul ef færi er gott.

Farastjóri: Þorsteinn Pálsson