60+ ferðir

Síun
  • Dags:

    mán. 14. jún. 2027

    Brottför:

    Dagsferð í Þórsmörk 60+

    Dagsferð í Þórsmörk 60+

    Hvenær gafst þér síðast tækifæri til að njóta fegurðar Þórsmerkur og kyrrðarinnar sem þar ríkir?

    Þessi ferð er hugsuð fyrir 60+ sem hafa áhuga á að skoða Þórsmerkursvæðið í allri sinni dýrð. Þessar ferðir fóru fyrst árið 2026 og var mikil ánægja með þær.

    Í ferðinni er farið um helstu svæði Þórsmerkur og fengin innsýn í fjölbreytta náttúru hennar. Við tökum rútu úr Reykjavík og höldum inn í Þórsmörk og Goðaland með smá stoppi á leiðinni. Í Básum þar sem hjarta Útivistar slær, tekur staðarhaldari á móti okkur og við förum í skoðunarferð og þau sem vilja taka Básahringinn sem er stuttur en afar skemmtilegur göngutúr hafa færi á því. Svo er snæddur hádegisverður í litla veitingaskálanum okkar, Básabita. Svo liggur leiðin áfram á rútunni yfir á svæði FÍ í Langadal þar sem stoppað verður stutt. Þeir sem vilja, ganga yfir í Húsadal en aðrir taka rútuna áfram þangað. Í Húsadal bíður kaffi og kaka áður en haldið er til baka til Reykjavíkur.

    Þessi ferð er fyrir alla, hvort sem þau hafa hug á stuttum göngum eða vilja nota rútuna meira. Við njótum fallegs umhverfis, góðs félagsskapar og góðs matar!

    Markmiðið er einfalt: að njóta samverunnar og eiga ánægjulega stund í þessari einstöku náttúru.

    Innifalið er:

     Rúta til og frá Reykjavík
    Leiðsögn
    Hádegismatur í Básum
    Kaffi og kaka í Húsadal

    • Verð:

      31.900 kr.
    • Félagsverð:

      24.900 kr.
    • Nr.

      2706D03
    • Suðurland

    • ICS
  • Dags:

    þri. 13. júl. 2027 - fim. 15. júl. 2027

    Brottför:

    • Skáli
    Bækistöðvaferð í Bása 60+

    Bækistöðvaferðir 60+ félaga hafa notið mikilla vinsælda undanfarin ár og við sláum ekki slöku við sumarið 2027!

    Stundum er talað um að hjarta Ferðafélagsins Útivistar slái í Básum á Goðalandi (Þórsmörk), en þar eiga jafnt yngri sem eldri Útivistarfélagar margar sælar minningar. Þessi ferð er tilvalin fyrir eldri félaga sem vilja endurupplifa góðar minningar, sem og nýja félaga á virðulegum aldri sem langar að kynnast þessari paradís undir leiðsögn kunnugra.

    Fararstjórar eru Jóhanna Benedikstsóttir, Guðbjartur Guðbjartsson og Ásta Óladóttir

    • Verð:

      82.000 kr.
    • Félagsverð:

      68.000 kr.
    • Nr.

      2707L06
    • ICS
  • Dags:

    mán. 16. ágú. 2027 - fim. 19. ágú. 2027

    Brottför:

    • Skáli
    Bækistöðvaferð 60+ í Strút

    Eftir velheppnaða bækistöðvaferð í Strút síðastliðið sumar verður leikurinn endurtekinn.

    Jafnt yngri sem eldri Útivistarfélagar eiga minningar frá gönguferðum að Fjallabaki. Ferðafélagið Útivist tekur áskorun frá hópi 60+ þátttakenda frá síðastliðnu sumri og bíður aftur uppá þriggja nátta bækistöðvaferð í Strút skála félagsins, að syðra Fjallabaki. Þessi ferð er tilvalin fyrir eldri félaga sem vilja endurupplifa góðar minningar, sem og nýja félaga á virðulegum aldri sem langar að kynnast fagurri náttúru undir leiðsögn kunnugra.

    Fararstjórar: Jóhanna Benediktsdóttir og Guðbjartur Guðbjartsson.

    • Verð:

      93.000 kr.
    • Félagsverð:

      79.000 kr.
    • Nr.

      2708L06
    • ICS


1 / 9

Strútur á Mælifellssandi