Á þessum árstíma skrýðist náttúran sínum fegurstu litum, rauðum og gulum sem benda til þess að gróðurinn sé að leggjast í dvala. Það ætla þeir sem koma í ferðina ekki að gera heldur njóta þess að ganga um og skemmta sér í fallegri umgjörð Goðalands. Á laugardagskvöldinu verður grillað og menn orna sér við varðeldinn og syngja og dansa á kvöldvökunni.

Fararstjórar: Jóhanna Benediktsdóttir & Emilía Magnúsdóttir

Afmælishátíð Útivistar

 

Veturinn hefst með kraftmikilli kjötsúpu í góðum fjallaskála. Ekið í Dalakofann á föstudagskvöldi. Á laugardegi verður farið í gönguferð í nágrenni skálans en þaðan er meðal annars stutt í skemmtileg jarðhitasvæði og jafnvel hægt að lauga sig. Eftir gönguna verður sest að kjötsúpunni.

Viltu hefja undirbúning jólanna langt frá amstri hversdagsins? Þá er kjörið að koma í aðventuferðina í Bása. Þar verður farið í gönguferðir, sungið og leikið. Áhersla lögð á að fullorðnir og börn skemmti sér saman.

Það er mikil tilbreyting fólgin í því að kveðja gamla árið og fagna því nýja í Básum á Goðalandi. Margt verður til gamans gert og auðvitað verður farið í gönguferðir og skíðaferðir en áherslan lögð á notalegheit og samveru. Á gamlárskvöld verður brenna og kvöldbrenna.